5 marzo 2013

Voglio o' Sangue

T'aggia fa ascì o' Sangue.

T'aggia scippà 'e palazzi d'o lungomare comme si fossero capille a copp a'capa e t'aggia appiccià e' meglio musei comme s'abbruciano 'e calli a dint 'e mman.

Ngopp o'Mare t'anna galleggià pisci muort comme 'e perucchie e pe 'e vvie ja tenere cantieri aperti comme si fossero emorroidi.

T'aggia fa correre appriess e muzzecà d'e zoccole a Ponticelli e a San Giuann e t'aggia fa schiattà 'e calore e puzza 'e munnezz mmiez 'e vvie 'e Pianura dint o' mese e luglio.

T'aggia fa cadè 'e mmura a Pumpei comme cadono 'e rient da vocca 'e vecchie, e aropp t'aggia vummeccà o fango ngopp 'e ccase abbusive a Ischia.

Bagnoli invece adda rimannè accusì, adda marcì sotto o'sole, comme a 'na vena varicosa.

O' Sangue t'aggia fa ascì, pe vedè si te sceti a dint a stu suonn.


Nessun commento:

Posta un commento